1881, Малага, Шпанија – 1973, Муген, Франција
Глава на жена, 1963
масло на платно 73 х 55 см
Аквизиција: Подарок од уметникот
Инвентарен бр.: 00571
Донацијата е личен избор на Пикасо, добиена со посредство на г-дин Жан Касу, бивш директор на Националниот музеј за модерна уметност во Париз во 1965 од галеријата Louis Leiris, што го застапувала неговото творештво.
Делото Глава на жена е настаното во едно од неговите последни ателјеа. Сликата е дел од серијата женски портрети, негов омилен мотив кој се провлекува уште од 1932 и во кое се присутни кубистичките форми карактеристични за неговото зрело творештво.
На 17.11.1971 сликата е украдена од изложбените сали на постојаната поставка. Во исто време во неколку галерии во Париз се украдени негови дела. Вратена е на 21.04.1972 година. Со извршената реставрација таа го доби првобитниот изглед. Прикажана е на повеќе изложби, а 1994 делото, во ироничен контекст, е вклопено во мултимедијалната инсталација “Суеверниот човек” на бугарскиот уметник Недко Солаков.
Биографија:
Пабло Руиз Пикасо (25 октомври 1881 – 8 април 1973) е шпански сликар, скулптор, графичар, керамичар и сценограф, кој го поминал поголемиот дел од својот живот во Франција. Еден од највлијателните уметници во 20-от век, познат по зачнувањето на кубистичкиот правец во уметноста, откритието на конструирана скулптура, еден од основополжниците на колажната техника и за многу други различни стилови, кои иницијално ги развил и ги истражувал. Меѓу неговите најпознати дела се прото-кубистичките Дами од Авињон (1907) и анти-воената слика Герника, драматичен портрет на бомбардирањето на градот Герника од страна на германските и италијанските воздушни сили за време на шпанската граѓанска војна.
Краткиот увод во биографијата е превземен во преведена форма од англискиот текст во Wikipedia според: Attribution-ShareAlike Creative Commons License.
Во целина биографијата на Пикасо на англиски јазик е достапна на: wikipedia.org/wiki/Pablo_Picasso
