Предавање на Кен Фридман

По повод отворањето на изложбата „92 настани + 1“, Музејот на современата уметност го најавува гостувањето на незјиниот автор, реномираниот американски уметник, Кен Фридман, кој ќе зборува за идеите, делата и настаните кои го обележуваат неговото долгогодишно и историски влијателно присуство на светската уметничка сцена.

 

Делата на изложбата „92 настани + 1“ ги опфаќаат некои од главните идеи и принципи на уметничката практика на Кен Фридман, како и неговиот придонес како припадник на интернационалното движењето Флуксус, составено од бројни уметници, меѓу кои и Јоко Оно, Дик Хигинс, Јозеф Бојс, Нам Џун Пајк, Волф Фостел, Шигеко Кубота, Џорџ Брехт, Бен Вотие, Алан Капроу, Милан Књижак, редица значајни авангардни композитори, како Џон Кејџ, ЛаМонте Јанг, Тери Рајли, како и дизајнери и поети.