Музејот на современата уметност – Скопје и Факултетот за ликовни уметности, УКИМ – Скопје, Ве покануваат на изложбата „45 години ФЛУ“. Изложбата ќе прикаже избор на 45 дела, од 45 автори, од колекцијата на МСУ и дела во сопственост на уметниците – наставен кадар на ФЛУ (од основањето до денес), нагласувајќи го текот на уметничките изрази и практики во последните четири и пол децении. Изложбата ќе биде пропратена со документарни прилози од историјата и активностите на ФЛУ со цел да се валоризира наследство на факултетот, но и да отвори нови перспективи за неговата иднина.
