Настани ГРАДИНА НА БОИ – ДОПРИ JА УМЕТНОСТА 5
EN

ГРАДИНА НА БОИ – ДОПРИ JА УМЕТНОСТА 5

11/06/ 2018 - 24/08/ 2018

 

Ветерот силно дувна и донесе едно шарено летало. Тоа беше многу љубопитно. Реши да летне високо на небото и да види: густа шума, разни растенија, инсекти, животни, океани, риби, камчиња, стапчиња, играчки… Шареното летало здогледа деца кои творат во една малечка куќичка и прекрасен музеј… Леталото одлучи да одмори и да погледа што има во него…

Во периодот од 11 јуни до 24 август 2018, Македонското Монтесори Здружение во соработка со Музејот на современата уметност, а со поддршка од Министерството за култура на РМ, по петти пат го реализираше проектот „Градина на бои – допри ја уметноста“.

Проектот овозможи децата да се запознаат со познати странски и македонски уметници како Џ. Полок, А.Матис, Е.Ворхол, В.Жерновски, И.Пејовиќ… со што кај нив се поттикнува развивање на чувството за ликовните уметности.

Во рамките на проектот беа реализирани креативни – едукативно работилници што се организираа во Монтесори центарот и Музејот на современата уметност, посетени од деца на возраст од 3 до 10 години. Во овие работилници беа вклучени и деца од Заводот за рехабилитација на деца и младинци.

Убавата атмосфера во Музејот на современата уметност и делата на големите уметници ги инспирираа децата да создадат свои уникатни дела, експериментирајќи со разни ликовни техники.

МИНАТИ НАСТАНИ

Школа за пропаганда: АНТИКВИЗАЦИСКА ПРОПАГАНДА

Сабота, 2 март 2024, во 12:00 часот

Филм: ,,ЦРНАТА УМЕТНОСТ: ВО ОТСУСТВО НА СВЕТЛИНАТА"

Вторник, 20. февруари 2024, во 19ч.

Ѓорѓе Јовановиќ: Публикација, разговор, перформанс

Петок, 16 февруари, 2024, во 20,00 и 21,00

Ретроспективна презентација на ^ПАТЕМByTheWay 2013 - 2023

Среда, 27. декември, 2023 во 20,00 ч.