Деца и супер херои – Креативна првоаприлска работилница

Деца и супер херои – Креативна првоаприлска работилница за изработка на маски

Први април – Ден на шегата, на смеата и прекрасна можност да направиме сами маска, да бидеме супер херој, кој е скриен длабоко во секој од нас, особено кај децата. Ова е можност децата својата фантазија за поубав и помирен свет, кој го градат заедно со своите родители, да ја преточат во реалност, замислувајќи се како супер херој со надприродна моќ. А како изгледа тој супер херој ќе видиме преку маските кои ќе имаат можност самите да ги креираат и направат.
На Први април, креирајќи сопствен супер херој, заедно ќе се обидеме да ја креираме визијата за поубава иднина и што за неа може да направат децата и возрасните. Во оваа креативна работилница на “супер херои“, ќе ја видиме вистинската моќ на малите големи луѓе, нивната креативност, фантазија и нивната замисла за поубав свет.

А сите ние и големи и мали, посакуваме да сме супер херој или имаме свој јунак, кој може се – спасува луѓе, се бори против злото, патува во далечни непознати светови и има извонредна моќ да ги совлада сите препреки.
Затоа ги покануваме децата, заедно со своите родители, да се дружиме, креираме, да мечтаеме и да се обидеме да учествуваме во креирањето на маски но и на поубава иднина во која сите ќе сме свесни за нашата позитвна моќ.

Влезницата за овој настан изнесува 100ден.

Музеј на современа уметност

Елегантно вклопен во планот на централно Скопје во рамки на тврдината Кале – Музејот ќе доминира над градската панорама како средишен споменик и симбол на светската солидарност во обновата на Скопје по земјотресот во 1963.

Learn more