12. биенале на млади

Музеј на современата уметност, 28. февруари – 28. март 2018

ЌЕ БИДЕ ЛИ ДОЦНА, АКО ВРЕМЕТО ЗАПРЕ? е насловот на 12-тото издание на Биеналето на млади уметници во Музејот на современата уметност во Скопје, годинава курирано од тројца куратори-соработници: Ивана Васева, Бојана Јанева-Шемова и Владимир Јанчевски, дефинирано преку три сегменти кои опфаќаат изложба и презентации на млади уметници од земјава, како и интернационална дискурзивна програма.

Генералниот концепт околу кој се гради овогодинешното Биенале на млади уметници е во насока на истражување, преиспитување и анализа на феноменот на задоцнетост/задоцнување, ненавременост во поглед на историскиот развој на општествените прилики во земјава во рамките на уметничкиот систем и уметничките парадигми и начинот на кој се одразува во сите негови сегменти (образовни, изложбени, продукциски, претставувачки и сл.) Во таа насока, концептот предлага едно прашање: дали е предоцна да се преиспита, продолжи или прекине една веќе долго време воспоставена тенденција во рамките на уметноста или е време да се размисли за нови стратегии и перспективи?