07. јуни 2019: SKOPJE PRIDE WEEKEND 2019 – GLITTERING WOUNDS: Релации, ранливост, отпор

Викендот на гордоста Скопје 2019 се одржува по седми пат, во организација на Коалицијата МАРГИНИ и ЛГБТИ Центарот за поддршка при Хелсиншкиот комитет на РМ. Целта на серијата настани во рамките на Викендот на гордоста е да создадат простор за, и да промовираат, ненормативни форми на светоградење, односно релации, афекти, идентитетски позиции, телесни стилови и сензибилитети, што во рамките на хетеронормативното, националистичко и неолиберално капиталистичко опкружување се означени како настрани, изопачени, неуспешни, патолошки, чудни.

Перформанс: Рон Ејти, Акефално чудовиште; петок 07 јуни, 21:00 ч. Музеј на современата уметност, Скопје

 

07 јуни 2019: СИТЕ ИМАМЕ СВОЈ ОТПЕЧАТОК

Изложба од едукативно-креативни работилници при Одделот за едукација, Н.У. Музеј на современата уметност-Скопје

 

12. јуни – 12. август 2019: ПЕРЦЕПЦИИ – родни перцепции

Родни перцепции во МСУ е последната изложба од балканскиот колаборативен истражувачки кураторски проект за женската уметност. Замислена како соработка на куратори од пет балкански земји, проектот ги претставува делата на група британски жени уметници од колекцијата на Британскиот совет, заедно со македонски жени уметници што заеднички ги избраа кураторите на изложбата.

Застапени уметници: Абигејл Лејн, Моника Мотеска, Анета Светиева, Мирна Арсовска, Силија Хемптон, Рејчел Вајтред, Елизабет Прајс, Сара Лукас, Ирена Паскали, Трејси Емин, Љупка Делева.

 

 

19. јуни – 16 септември 2019: ГЛИГОР СТЕФАНОВ – ретроспективна изложба

Големата ретроспективна изложба на Глигор Стефанов претставува критичка и историска валоризација на еден од најзначајните уметници во македонската уметност на крајот од ХХ век. Изложбата ќе ги вклучува неговите сочувани или обновени објекти – летала, како и реконструкцијата на неговото капитално дело, големата триптих инсталација Просторен цртеж, изведена во Галеријата на Домот на младите (денес Младинскиот културен центар), Студентскиот центар во Загреб и Студентскиот културен центар во Белград во 1983/1984 година.

 

 

27. јуни – 12. август 2019: ГЛАСАЊЕ И ГЛАСОВИ (Votes & Voices) – Постери за швајцарски референдумски кампањи од 1918 до денес

Изложбата ги претставува визуелните стратегии и ликовната реторика во изнесувањето на аргументите за политичките референдумски кампањи во Швајцарија почнувајќи од 1918 година до денес. Селекцијата на постерите доаѓа од колекцијата на Музејот за дизајн при Универзитетот за уметности во Цирих. Изложбата се реализира во соработка со Амбасада на Швајцарија во Северна Македонија.

 

12. септември – 11. октомври 2019: АМЕРИКАНСКАТА КОЛЕКЦИЈА ВО МУЗЕЈОТ НА СОВРЕМЕНАТА УМЕТНОСТ СКОПЈЕ

 

24. септември – 14. октомври 2019: РАНКО ДАКИЌ: ЕГЗИЛ, самостојна изложба

Творештвото на Ранко Дакиќ (1958, Скопје) не цели да ни открие зачудувачки новости во сликарството или скулптурата. Впрочем, тоа денес тешко да може да го направи кое и да е’ творештво. Но може, на пример, да ни го отвори неговиот внатрешен свет, а може и неочекувано да ни помести некои граници во македонската ликовна уметност.

Изложбата ќе презентира педесетина негови дела (цртежи, слики и скулптури) работени во последниве триесетина години односно по неговото напуштање на Македонија во 1987 година.

 

 

 

27. септември – 27. октомври 2019: ГРЧКАТА СОВРЕМЕНА УМЕТНОСТ ОД КОЛЕКЦИЈАТА НА МУЗЕИТЕ НА СОВРЕМЕНА УМЕТНОСТ ВО СОЛУН.

 

24. октомври – 20. ноември 2019: УТРЕ БЕШЕ ДРУГ ДЕН – тематска изложба од колекцијата на МСУ Скопје

 

05. ноември – 08. декември 2019: БАУ1ХАУС – Баухаус и модернизмот во светот

 

08. ноември – 08. декември 2019: НИКОЛА РАДУЛОВИЌ: СИСТЕМА

 

20. декември 2019 – 01. јануари 2020: СÈ ШТО НИ Е ЗАЕДНИЧКО 2

 

 

© MoCA / МСУ